Kreu demokrat Basha komunikoi virtualisht me Johannes Hahn, aktualisht Komisioneri i BE-së për Buxhetin, duke i kumtuar atij se do do ta luftojë korrupsionin nëse vjen në pushtet.
“Një nga hapat e parë që po bëjmë është krijimi i Agjencisë Kombëtare kundër Korrupsionit e cila do të ketë pavarësi nga ekzekutivi dhe roli i së cilës do të jetë të trajtojë problemet e korrupsionit në të gjitha nivelet.
Sundimi i ligjit, konkurrenca, lufta kundër korrupsionit janë përparësitë tona dhe përmes këtyre përparësive ne do të bëjmë të mundur që investitorët evropianë të kthehen në Shqipëri, të sjellin investimet e tyre këtu”, theksoi Basha.
Por temë bazë e bisedës me tyre ishte trajnimi profesional.
“Me programin tonë, ne jemi duke u përqendruar te trajnimi profesional i dyfishtë, si dhe te praktikat. Dhe këtu do të na duhet gjithashtu shumë ndihmë nga ju, nga BE, nga Komisioni i BE dhe gjithashtu nga fondet e BE në mënyrë që nga fondet IPA dhe fondet e tjera të mund të bashkohen dhe fondet tona, fondet e qeverisë shqiptare, për të bërë të mundur që ne të kemi një hov cilësor”, tha Basha.
Hahn tha nga ana e tij se “në fokusin tuaj në trajnimin e dyfishtë profesional, është diçka që mund ta mbështes plotësisht me gjithë përvojën që kam nga vendi im, por edhe Gjermania, Zvicra, Austria ku kemi shumë përvojë me këto skema të formimit profesional të dyfishtë për shumë vite”.
“Kjo është arsyeja pse në shumë vende shkalla e papunësisë së të rinjve është mjaft e ulët, sepse të rinjtë kanë mundësi të punojnë edhe gjatë arsimimit të tyre”, tha Hahn. /tesheshi.com/
