Kryedemokrati Lulzim Basha nisi zyrtarisht fushatën për Lokalet e pjesshme të 6 marsit, duke filluar nga Shkodra. Në prezantimin e kandidatit Xhemal Bushatin, ai pati mes rreshtave Berishën
“Askush nuk i rren shkodranet, nuk e ka bërë Enver Hoxha për 50 vjet, e nuk mund ta bëjë askush sot. Xhemal Bushati është kandidati më i mirë për Shkodrën”, tha Basha.
Ndërsa kandidati Bushati, duke vijuar me premtime, tha se do ndihmohet dhe Vllaznia si ekip zemre i shkodranëve.
“Do bëjmë projekti për të ardhmen e Shkodrës, kjo është rruga jonë për të ardhmen. Qyteti është turistik, i bekuar prej Zotit të gjithë ta shfrytëzojmë për të mirën e qytetarëve.
Punësimi do të jetë një nga punët tona immediate: biznes i fortë, qytet i fortë. Shkodra është qytet human, do të ndihmojmë shtresat në nevojë për t’i dhënë dinjitetin e nevojshëm. Do mbështesim fort Vllazninë”, tha Bushati. /tesheshi.com/
