Kreu demokrat Basha, ka bërë një përçapje për ta patur sërish në PD Tomor Alizotin, një prej emrave që u lanë jashtë listës për deputet, e që përfaqson një ndër zërat më të fuqishëm të ish-të persekutuarve, si pinjoll i Alizotajve.
“Eja Tomor, ejani të gjithë ju, le të bashkohemi në gjirin e PD. Është vendi, është institucioni, është garancia e vetme për të drejtat e papërmbushura. Së bashku me ndjesën time të thellë si kryetar i PD dhe me zotimin tim se do të bëjmë gjithçka së bashku për të shembur diktaturën e krimit dhe për të lartësuar sakrificën e paraardhësve tuaj përmes sakrificës tonë dhe luftës pa kompromis për të shëmbur tqë keqen dhe për të kthyer vlerat demokratike”, tha Basha në një aktivitet kushtuar të zhdukurve gjatë periudhës komuniste, Basha edhe pranoi gabimet ndaj kësaj shtrese.
“Ky është momenti që unë të përsëris para jush në emër të PD kërkesën për ndjesë, falje që ne nuk kemi arritur dot të përmbyllim me sukses këtë proces të gjendjes dhe nderimit të eshtrave të paraardhësve tuaj të ekzekutuar pa gjyq”, theksoi kreu demokrat. /tesheshi.com/
