Kryetari i Partisë Demokratike, Lulzim Basha u shpreh ditën e sotme nga qyteti i Memaliajt se duke ndryshuar PD-në do të ndryshohej edhe politika e vendi.
Sipas liderit aktual të partisë më të madhe opozitare në Shqipëri, më pak pushtet do t’u jepet kryetarëve e më shumë qytetarëve.
Duke u kërkuar të jenë në krye të aksionit për hapjen e partisë dhe veçanërisht qëndrimin me njerëzit dhe pranë tyre, Basha tha se beteja në të cilën thirremi dhe i thërrasim nuk është thjesht betejë për të përmbysur një qeveri të korruptuar, por është betejë për t’u kthyer pushtetin njerëzve duke bërë qeverisje transparente dhe të përgjegjshme që lekët e taksapaguesve të shkojnë tek taksapaguesit.
Nga ana tjetër ai foli për zgjidhje konkrete që ka partia e tij për problemet e qytetarëve dhe për gjendjen e rëndë që po kalon vendi./tesheshi.com/
