Lulzim Basha ka shpërndarë urdhërin që PD të përgatitet për zgjedhje, por vendimi për futjen apo jo do të merret në një moment të dytë.
Një burim nga selia blu bëri të ditur se sonte janë caktuar të 12 krerët e qarqeve, të cilët do të shpërndahen që nesër për të organizuar degët tashmë të tronditura nga shkarkimi i disa kryetarëve.
Zyrtarisht është shpërndarë një vendim sipas të cilit zgjedhjet do të mbahen pas qeverisë teknike, por siç mësohet në mbledhje Basha ka deklaruar se ka përpjekje të forta për negociata.
“Qëndresa e PD do të vijojë deri në qeverinë teknike. Kauza për votën e lirë dhe qeveri teknike do të konkretizohet, deputetët dhe anëtarët e partisë të jenë në bazë. Të jemi gati pas qeverisë teknike”, mësohet të ketë thënë Basha në mbledhjen e përbashkët të kryesisë dhe grupit parlamentar. /tesheshi.com/
