Kreu i partisë Demokratike, Lulzim Basha akuzoi menjëherë kryeministrin Rama për manipulim provash në ngjarjen e Laçit, ku sipas tij, deputeti Prenga ka plagosur me armë zjarri katër persona të familjes Çali brenda në ambjentet e policisë.
“Me urdhër të Edi Ramës dhe ministrit të tij të drogës Sajmir Tahiri, policia ka vendosur një shtetrrethim të vërtetë tek spitali dhe ka nisur manipulimin e provave dhe dëshmitarëve që të mbulojnë ngjarjen. Largimi i krimineleve nga Kuvendi dhe Qeveria më urgjent se kurrë”, shkruan Basha në Facebook.
Ai ka apeluar median të zbardhë ngjarjet, duke mos lejuar censurë nga autoritetet. /tesheshi.com/
