Barcelona dhe Sevilla do ndeshen në kuadër të finales së Superkupës së Europës. Dy skuadrat tashmë kanë bërë përgatitjet e duhura para ndeshjes, por ndoshta nuk ndjehen aq të plotësuara për shkak të mungesave të shumta që kanë dy kampet respektive.
Neymar për shkak të lëndimit, Jordi Alba gjithashtu i shoqëruar nga Douglas dhe Adriano janë të lënduar te Barcelona. Ndërkohë dy ardhjet e reja në këtë afat kalimtar, Arda Turan dhe Alex Vidal nuk kanë të drejtë lojë për shkak të pezullimit të transfertave që iu është bërë katalanasve nga UEFA.
Ndërkohë tek andaluzianët lista e të lënduarve është më e gjatë. Nico Pareja, Carriço, Nzonzi, Kolo dhe Rami janë të lënduar ndërkohë për këta dy të fundit ende ka shpresë se mund të riaftësohen deri para fillimit të ndeshjes.
Për shkak të këtyre mungesave, dy trajnerët, Luis Enrique te Barcelona dhe Unai Emery te Sevilla janë të detyruar të bëjnë ndryshime në formacionet e tyre. /tesheshi.com/
