Kur zhvillohet një ndeshje ndërmjet dy skuadrave që ndodhen në zona të ndryshme kohore, është shumë e natyrshme të tregohet ora e zonës në të cilën do të luhet takimi. Mirëpo kur ndeshja zhvillohet brenda një territori, atëherë kemi të bëjmë me një rast specifik, që ndoshta mund të konsiderohet edhe si provokim.
Një gjë të tillë e ka bërë Barcelona, që megjithëse luan në kohën e njëjtë zonale me të gjitha skuadrat e tjera në Spanjë, paralajmëron se ndeshjet do zhvillohen me “orën katalanase”.
I tillë ka qenë njoftimi në faqen elektronike për ndeshjen çerekfinale të Kupës së Mbretit mes Atletik Bilbaos dhe Barcelonës, që do të luhet sonte, në orën 21:00.
Mediat spanjolle e kanë konsideruar këtë si një provokim të radhës të klubit katalanas, që përmes këtyre lajmërimeve synon ta paraqesë Katalonjën si entitet të veçuar nga Spanja. /tesheshi.com/
