Josep Maria Bartomeu, president i klubit katalanas Barcelona është i vetëdishëm për rrezikun që i kanoset skuadrës që ai udhëheq nëse Spanja dhe Katalunia nuk kanë mardhënie të shëndosha. Ekziston mundësia që skuadra azulgrana të mos jetë më pjesë e kampionatit spanjoll, nëse këtë gjë e kërkon shteti spanjoll.
“Është shumë e qartë, nëqoftëse Spanja dhe Katalunia nuk kanë marrëdhënie të mira, atëherë do të jetë shumë e vështirë që ne të jemi pjesë e La Ligas”, u shpreh Bartomeu gjatë një prezantimi lidhur me sportin nëse pavarësohet Katalunia.
Gjithashtu presidenti i klubit azulgrana e pranoi dëshirën për të vazhduar garimin në kampionatin spanjoll. “Barcelonës do ti pëlqente që të vazhdonte të qëndronte në kampionatin spanjoll, aty ku kemi realizuar projekti për gjithë botë. Është e vështirë të mendosh kampionatin pa duelin Real Madrid – Barcelona, apo pa skuadrat katalunase si Espanyol. Nëse do të futemi në referendum se cilën ligë do të marrim pjesë, atëherë ne zgjedhim atë të Spanjës”, përfundoi Bartomeu.
/tesheshi.com/
