Kanë kaluar tashmë 15 vite që kur Real Madrid morri epitetin si skuadra më e mirë e shekullit XX. Mirëpo këtë epitet për shekullin e ri është duke i’a rrëmbyer rivali i përbetuar, Barcelona.
Raporti në fitimin e titujve qëndron 25-17 në favor të azulgranëve. Ishte pikërisht epoka e Florentino Perez, kur madrilienët u dekoruan me titullin e veçantë si skuadra e shekullit, të cilën nuk e bart asnjë klub tjetër në botë.
Vetëm në gjashtë sezonet e fundit, blaugranasit kanë koleksionuar 17 tituj në vitrinat e Camp Nou-t. “Mbretërit”, nën drejtimin e italianit Carlo Ancelottit e përmirësuan bilancin në raport me katalanasit, mirëpo vazhdojnë ende të mbeten prapa në aspektin e titujve në sezonin e ri.
Tashmë, skuadra mbretërore ka humbur dhe mundësinë të luftojë për Kupën e Mbretit, ndërkohë që blaugranët priten që në muajin e fundit të vitit të fitojnë Botërorin e klubeve. Lufta tani ndërmjet dy klubeve do të bëhet për Kampionatin spanjoll dhe Ligën e Kampioneve. /tesheshi.com/
