Barcelona së shpejti do të bëjë një lëvizje të papritur pasi planifikon të ndërpresë kontratën e saj me prodhuesin e pajisjeve Nike, e cila ka qenë në fuqi që nga viti 1998, raportoi Katalanas Sport.
Edhe pse kjo kontratë çdo vit i sjell klubit 85 milionë euro, ata janë të pakënaqur në Barcelonë dhe po kërkojnë një zgjidhje alternative.
Siç shkruan Sport, drejtuesit e blaugranëve janë gati të bëjnë një lëvizje revolucionare dhe të krijojnë markën e tyre që do të prodhonte pajisje për ekipin e parë dhe La Masia.
Është e qartë se kështu Barcelona planifikon të rrisë atë lloj të ardhurash, sepse aktualisht merr vetëm një përqindje të të ardhurave totale nga shitja e fanellave dhe pajisjeve të tjera nga Nike.
Një tjetër opsion është nënshkrimi i një kontrate me Puma, e cila i ofron pak më shumë se 100 milionë euro në sezon për gjigantin katalanas, por presidenti i Barcelonës, Joan Laporta njoftoi krijimin e markës së tij disa javë më parë në një deklaratë për RAC1.
Në Barcelonë duan të ndahen me Nike në mënyrë të dakordësuar sepse në të kundërtën marka amerikane mund ta raportojë klubin për shkelje të kontratës që zgjat deri në verën e vitit 2028, raporton AMSport. /tesheshi.com/
