Magjia e Lionel Messit e inspiroi Barcelonën drejt fitores ndaj Atletik Bilbaos me rezultat 3:1, në finalen e Kupës së Mbretit të zhvilluar në Kamp Nou. Gjigantët katalanas fituan trofeun e 27-të, në garën “mbretërore” dhe morrën kurorën e më të mirit rekorde në këtë garë.
Në përballjen e zhvilluar në Camp Nou, Dani Alves dhe Lionel Messi sulmuan nga e djathta dhe lojtarët baskë nuk arritën që t’i ndalnin. Argjentinasi realizoi (20’).
Neymar u kujdes që skuadra e tij të shkonte në pushim me epërsi prej dy golash (37’). Suarez ishte asistues.
Lionel Messi e gjeti rrjetit sërish në pjesën e dytë (74’) dhe përsëri ishte Dani Alves lojtari që ia mundësoi këtë.
Inaki Williams shënoi një gol për nderin e tifozëve të Bilbaos (80’).
Më herët këtë sezon, katalunasit e kanë fituar edhe La Ligan, ashtu që në finalen e Ligës së Kampionëve në Berlin (6 qershor) do ta kërkojnë kompletimin e tripletës. /tesheshi.com/
