Në “Camp Nou” ka festë, më saktë, festa vazhdon. Pasi ka fituar Superkupën e Spanjës, duke mos pësuar asnjë gol në dy takime ndaj Seviljes, Barcelona e ka nisur rrëmbimthi Primera Division-in.
Viktima ka qenë Real Betis, që nuk ka mundur të bëjë asgjë para furtunës katalanase. Një fitore e thellë e Barçës, që ka lajmëruar se do të jetë përsëri violina e parë e kampionatit spanjoll.
6-2 është mbyllur takimi mes Barcelonës dhe Real Betisit. I shkëlqyer Luis Suarez, po ashtu Messi, po ashtu Arda Turan. Janë këta tre lojtarë shënuesit e gjashtë golave.
Ka qenë turku ai që e ka nisur melodinë në minutën e gjashtë me golin e tij. Një barazim i shkurtër nga
Castro thjesht i ka bërë më të uritur vendasit, që e mbyllin pjesën e parë me dy gola të tjerë, të shënuar nga Mesi e Suarez.
Argjentinasi do të shënonte edhe njëherë në pjesën e dytë, ndërsa dy herë të tjera do ta tundte rrjetën uruguajani.
Ruben Castro e ringushëllon sërish Betisin me një tjetër gol gjashtë minuta nga fundi.
Në përfundim, një fitore klasike e Barcelonës, që shpërthen në të parin takim të kampionatit për të. Rezultati 6-2 flet vetë! /tesheshi.com/
