Barcelona dhe Real Madrid janë skuadrat më të paguara në botë sipas një studimi për pagat në sport.
Sipas këtij studimi, Barcelona është në vendin e parë me një pagë mesatare të lojtarit të skuadrës së parë prej 12.2 milion dollarë, duke zbritur 1.5 milion dollarë në krahasim me vitin e kaluar kur paga ishte 13.7 milion dollarë.
Real Madrid u kthye në vendin e dytë me një mesatare prej 11.1 milion dollarë, ndërsa Juventus, i cili ishte i nënti vitin e kaluar, tani u hodh në vendin e tretë me 10.1 milion.
Shtatë vendet e mbetura në TOP 10 janë zënë nga klubet NBA. Portland është i katërti me një mesatare prej 10.04 milion dollarë, Golden State është i pesti me 9.9 milion dollarë dhe i gjashti është Orlando me një mesatare prej 9.4 milion dollarë.
Klubi tjetër i futbollit është PSG në pozitën e 12-të (8.9), ndërsa Manchester City është në pozitën e 13-të (8.7)
Informacioni i përdorur në sondazh paraqet pagën bazë të lojtarëve dhe nuk përfshin shpërblime të ndryshme dhe pagesa të tjera. /tesheshi.com/
