Beteja nuk është fituar në asnjë mënyrë në Itali, ku pasojat e epidemisë janë të rënda, por zyrtarët italianë për herë të parë kanë shprehur me kujdes shpresën për tërheqjen e afërt të pandemisë së koronavirusit, e cila po vret barbarisht si në luftë, raporton AFP.
Në një muaj, rreth 5,500 njerëz janë shuar në Itali, deri tani vendi më i goditur në botë, me më shumë se një e treta e numrit të përgjithshëm të vdekjeve.
Në 24 orët e fundit, ishij 651 jetë të humbura në Gadishullin Apenin, një numër i madh, por një rënie e ndjeshme nga “rekordi” i një ditë më parë (793).
“Humbjet e sotme janë më të vogla se dje. Shpresoj dhe të gjithë shpresojmë se ky trend do të vazhdojë këto ditë”, tha drejtuesi i Mbrojtjes Civile Angelo Borrelli.
“Por ne ende duhet të jemi të kujdesshëm,” shtoi ai pas një fundjave të dytë të karantinës në Itali.
“Eshtë një shenjë që ne e shikojmë pozitivisht”, tha Franco Locatelli, kreu i autoriteteve sanitare italiane.
“Masat e para të rrepta të izolimit u miratuan në 11 mars. Ne presim rezultate pas dy deri në tre javë. Kështu që java e ardhshme do të jetë patjetër vendimtare dhe ne presim konfirmimin e prapësimit të rritjes”, shtoi ai, duke kërkuar kujdesin maksimal në familje për të parandaluar përhapjen e infeksionit. /tesheshi.com/
