Banorët e njësisë administrative Mbrostar në Fier kanë vijuar protestat në ditën e 5-të, kundër ndërtimit të impianit të mbetjeve, pranë zonave të banuara.
Ata kanë kërkuar anulimin e këtij projekti, me argumentin se do të shkaktojë ndotje masive, e si rrjedhojë edhe probleme shëndetësore për ta dhe fëmijët e tyre.
Përmes pankartave në duar, ata kanë apeluar autoritetet për më shumë drejtësi. “E duam Gjanicën të pastër, na mbroni jetën”, – shkruhej në një prej pankartave të protestuesve.
Një ditë më parë, banorët do të kryenin një takim kryetarin e bashkisë së Fierit, Armando Subashi, por dështoi ende pa nisur.
Protestat e banorëve të Mbrostarit kanë nisur prej disa javësh. Ka patur raste që ata kanë bllokuar rrugët nacionale për disa orë në shenjë proteste, duke shkaktuar trafik të rënduar për drejtusit e mjeteve. Ata kanë paralajmëruar se do të vijojnë tubimet e tyre, deri në zgjidhjen e këtij problemi./tesheshi.com
