Auto Dak
Auto Dak
Auto Dak

Avullorja austriake e mbytur në liqenin e Shkodrës, kjo relike e rrallë dhe “jetime”!

Pjesë të një anije austriake të fundosur  mbi 100 vjet më parw, ndodhen në zonën e Shirokës, në liqenin e Shkodrës, fare pranë ishullit të kësaj lagjeje.Pjesë të saj duken me sy, madje dhe në dimër kur uji e mbulon dhe  sipas specialistëve ajo  i përket periudhës së para luftës së parë botërore.

Në kohën ku uji i liqenit ndodhet në kuotë të ulët, konturet e anijes duken qartë, ndërsa ajo dallohet dhe kur niveli i ujit e ka mbuluar .Sipas banorëve të kësaj lagjeje turistike buzë liqenit, anija është shumë e vjetër dhe mendohet se është austriake, por askush nuk ka tentuar ta lëvizë atë,  përveç faktorëve natyrorë që herë e mbulojnë me ujë e herë nxjerrin në dukje pjesë të saj. Kjo anije është një objekt unik dhe këtë e pohon specialisti Zamir Tafilica.

Historiani shpjegon se e ka parë nga afër objektin, e ka matur e kontrolluar nga brenda dhe sipas tij ajo është një avullore ndër të parat që përdorin energjinë mekanike pas zbulimit të motorrave me avull, që quhen ndryshe dhe piroskaf.

anija e fundosur në liqenin e shkodrës

“Është metalike, e ruajtur mirw dhe ka një gjatësi 20 m dhe gjërësi 4 m, ka elementet e kaldajës, helikat me dy rrotat e jashtme anësore, siç i kanë patur avulloret e para. Mund t’i përkasë fundit të shekullit XIX dhe fillimit të shekullit të XX, por më së shumti është i prag luftës së parë botërore. Mendohet se është austro-hungareze ose italaine, pasi këto dy ishin fuqitë ndërluftuese në këtë territor. Anija është siluruar nga poshtë, ku është hapur një vrimë dhe është fundosur. Ka qenë anije ushtarake.

Prania e një avulloreje të tillë është një rast i rrallë e ndoshta unik në Ballkan. Në Itali janë disa që ruhen për turizëm. Kam kërkuar fonde për nxjerrjen e saj dhe restaurimin me qëllim ekspozimin për qëllime turistike. Kam dërguar informacionin e nevojshëm dhe në Tiranë dhe në ambasadën austriake, pasi ato mund të kenë interes për nxjerrjen e saj, deri tani nuk ka ndonjë sinjal. Ekspozimi i saj në një zone turistike si Shiroka do i shërbente turizmit kulturor për të cilin flitet mjaft “, thekson Tafilica.

Anija a vullore ushtarake që banorët e Shirokës e quajnë anija austriake, nuk është prekur asnjëherë prej tyre. Ajo ruhet në ujrat e liqenit si diçka me vlerë për të cilën duhet të kujdesen organizmat përkatës për ta kthyer në një objekt të vizitueshëm dhe me vlera historike.

 

Përgatiti Anila Dushi – tesheshi.com

 

 

auto pjese dak

Related posts