Papa Françesku i mëshoi dhe më shumë një qëndrimi që e kompromenton rëndë atë si lideri fetar, duke mbrojtur ata që kanë një dhe dënim të rëndë nga Zoti të njohur në histori, treguar në librat e shenjtë, pra homoseksualët.
Në kthim nga një tur afrikan, ai tha se ligjet që kriminalizojnë personat LGBT janë mëkat dhe padrejtësi, pa iu referuar asnjë lloj urdhërese hyjnore që e përcaktojnë të tillë këtë që ai pretendoin. Papa e tha këtë në përgjigje të pyetjes së një gazetari në aeroplanin që po kthehej nga vizita e tij në Afrikë dhe në pozicionin e tij u mbështet nga dy krerët e kishës që e shoqëronin.
“Kriminalizimi i homoseksualitetit është një problem që nuk mund të injorohet”, tha Papa, duke cituar statistika që tregojnë se 50 vende në botë i kriminalizojnë personat LGBT “në një mënyrë apo në një tjetër” dhe 10 vende kanë ligje kundër tyre, përfshirë dënimin me vdekje.
Gjashtëdhjetë e gjashtë vende anëtare të OKB-së ende e kriminalizojnë seksin konsensual të të njëjtit seks, sipas ILGA World. Në disa vende ku seksi i të njëjtit seks është i paligjshëm, dënimet mund të përfshijnë dënimin me vdekje.
“Nuk është e drejtë. Njerëzit me prirje homoseksuale janë fëmijë të Zotit. Zoti i do. Zoti i ndjek… të dënosh një person të tillë është mëkat. Të kriminalizosh njerëzit me prirje homoseksuale është një padrejtësi”, tha Papa Françesku, pa shkuar më tej në asnjë lloj argumentimi për qëndrimit e tij, i cili do kishte bazë hyjnore.
Ai vuri në dukje se Katekizmi Katolik thotë se tërheqja e të njëjtit seks nuk është mëkat, por marrëdhëniet seksuale janë. Ai gjithashtu thekson se personat LGBT nuk duhet të margjinalizohen.
“Unë nuk mund të gjykoj njerëz të tillë”
Françesku përsëriti deklaratën e tij të famshme, të bërë menjëherë pasi u bë Papë në 2013, duke thënë se nuk mund të gjykojë njerëzit me prirje të tilla që kërkojnë Zotin. Ai gjithashtu vuri në dukje se gjatë vizitës së tij në Irlandë në vitin 2018, ai tha se prindërit nuk duhet të heqin dorë nga fëmijët e tyre LGBT, por duhet t’i mbajnë ata në prehrin e një familjeje ku ata do të jenë të dashur.
Papa po kthehej nga një vizitë në Sudanin e Jugut, të cilin e vizitoi pas Kongos, i shoqëruar nga Kryepeshkopi i Canterbury-t Justin Welby dhe kreu i Kishës së Skocisë, Iain Greenshields. Të dy mbështetën deklaratat e tij për personat LGBT.
Kryepeshkopi: Jam plotësisht dakord
“Unë jam absolutisht dakord me çdo fjalë që ai tha,” tha Ëelby, duke vënë në dukje se Komuniteti Anglikan është gjithashtu i ndarë për të drejtat e homoseksualëve dhe se dy rezoluta kundër kriminalizimit të personave LGBT “nuk ndryshuan vërtet shumë pikëpamje të njerëzve”.
“Unë me siguri do të citoj Atin e Shenjtë. Ai e tha kaq bukur dhe saktë,” tha ai. Duke shprehur mbështetjen e tij për Françeskun, Greenshields iu referua Biblës, në një tentative për ta mbrojtur si qëndrim me referencë librin e tyre të shenjtë.
“Jezusi nuk hodhi poshtë askënd”
“Askund në katër ungjijtë nuk shoh Jezusin duke refuzuar ndokujt. Askund në katër ungjijtë nuk shoh asgjë përveç Jezusit që shpreh dashuri ndaj kujtdo që takon dhe si të krishterë kjo është e vetmja gjë që mund t’i japim çdo qenieje njerëzore në çdo rrethanë.”
Françesku përsëriti se Kisha Katolike nuk mund të lejojë sakramentin e martesës për çiftet e të njëjtit seks, por ai mbështeti ligjet për partneritetet jetësore që u ofrojnë partnerëve të të njëjtit seks mbrojtje ligjore në çështje të tilla si pensionet apo trashëgimia dhe kujdesi shëndetësor. /tesheshi.com/
