Opozita, më saktë PD, nuk e ka pritur mirë hapjen e aeroportit të Kukësit, pra uljen e parë të një avioni aty, duke tentuar të gjejë detajin e mosmbajtjes së një premtimi nga Rama dhe në këtë rast
“Hapja e aeroportit të Kukësit për fluturime ndërkombëtare, premtim tjetër i pambajtur i Edi Ramës.
Ulja e një avioni të Air Albania në Kukës s’u bë nga Londra, siç premtoi Rama, por nga Rinasi, sepse aeroporti s’ka certifikata sigurie”, u tha nga PD.
Në fakt, Rama nuk ka thënë se do vijë avioni nga Londra, por se do sjellë emigrantë kuksianë nga Londra në Kukës.
Ndërsa në pikën e çertifikimit, përgjigja e kryeministrit ishte kjo:
“Fluturuam nga Tirana në Kukës, sepse sipas rregullave çdo aeroport operacional nis si lokal, dhe ka procedurë për t’u bërë ndërkombëtar që zgjat 50-60 ditë. Pasi bëhet certifikimi, këto javë do bëhet marrëveshjet. Ka interes të madh”, ishte shpjegimi i Ramës. /tesheshi.com/
