Në fillim u duk si një incident pa shumë pasoja në njerëz, por në më pak se një muaj ka shkaktuar katër viktimë. Fjala është për autobusin e djegur në Krujë, brenda së cilit ishit një grup besimtaresh ortodokse nga Vlora. Së fundi, në spitalin e Athinës ka ndërruar jetë dhe Lina Hajdini, e cila nuk arriti ti mbijetojë dot plagëve të marra, sipas një lajmi të bërë publik nga Kisha e Shen Theodhorit në Vlorë.
“Me hidhërim të madh, ju njoftojmë se edhe Zj.Lina Hajdini, sekretar-llogaritare e kishës sonë e humbi betejën trejavore me plagët e marra nga zjarri i rënë në autobuzin me të cilin udhëtonin te premten e 27 Majit. Ajo ndërroi jetë sot në spital. Perëndia ta prehë me të drejtët dhe familjarëve të saj tu lejtësojë dhimbjen. I përjetshëm kujtimi i saj”
Katër ditë më parë, po në spitalin e Athinës ndëruan jetë edhe Sose Labaj e Viktore Moçka.
Aksidenti tragjik ndodhi më 27 maj, teksa autobusi me 31 besimtare që kishin ndërmarrë një tur nëpër Shqipëri, u përfshi nga flakët si pasojë e një defekti. Në fillim u lajmërua për një viktimë, por ditë pas dite, ato u bënë katër. Të gjitha gra. /tesheshi.com/
