Pas një fushate elektorale të përqendruar në temat e imigrimit, refugjatëve dhe mbrojtjes së kufijve, dhe një gare mes populistëve të djathtë dhe ekstremit të djathtë, shanset më të mëdha për të fituar zgjedhjet i ka kandidati i konservatorëve, Sebastian Kurz.
Kancelari aktual dhe shefi i social-demokratëve, Christian Kern parashikohet sipas anketimeve që të zërë vendin e dytë. Për shkak të debateve të vazhdueshme për temat e imigrimit, refugjatëve dhe të mbrojtjes së kufirit gjatë fushatës zgjedhore në Austri, pritet që partia populiste e djathtë FPÖ me kandidatin e saj kryesor Heinz-Christian Strache të fitojë mjaft vota.
Sebastian Kurz, kandidati kryesor i Partisë Popullore Austriake (ÖVP), tha gjatë fushatës elektorale se do t’i mbrojë më mirë kufijtë e vendit dhe do të kufizojë imigrimin.
Partia opozitare Partia e Lirisë (FPÖ) propagandon në thelb të njëjtën gjë, por mendon se temat e saj ia kanë vjedhur të tjerët. Kështu që fushata elektorale e kandidatit kryesor të FPÖ, Heinz-Christian Strache në pjesën më të madhe përbëhej nga kritika ndaj ministrit të Jashtëm, Sebastian Kurz. Sipas Straches, Kurzit i mbërrijnë valët me vonesë, ai e kuptoi vite më pas FPÖ-së rëndësinë e disa temave si islamizimi dhe imigrimi.
Një përkrahës i Social Demokratëve tha se: “Para së gjithash, më pëlqen që Kern se nuk është agjitator si kandidatët e tjerë, se ai nuk e përçan shoqërinë dhe është përkrahës i solidaritetit. Të tjerët kujdesen vetëm për njerëzit me paga më të mëdha, dhe kompanitë më të mëdha, dhe jo për njerëzit e zakonshëm”.
Një grua tha: “po, unë mendoj se është mirë të kontrollohen kufijtë, që do të thotë se sigurisht se jam pro migrimit dhe se shumë njerëz mund të vijnë tek ne, por në një moment duhet të ndalemi. Unë mendoj se Kurz ka mendësinë e duhur sepse ai dëshiron të rregullojë këtë (krizën e migrimit), pa pranuar më shumë njerëz.”
Partia Popullore e tij, ashtu si Social Demokratët, gjithashtu nuk ka përjashtuar formimin e një koalicioni me Partinë e Lirisë së ekstremit të djathtë. /tesheshi.com/
