Një burrë nga Austria u kafshua – në zonën gjenitale – nga një piton. Zvaraniku i gjend poshtë tij pasi kishte ardhur aty nga shtëpia e fqinjit përmes tubacionit të ujrave të zeza.
65-vjeçari nga Graz pati një makth të vërtetë rreth orës 6 të mëngjesit të hënën ndërsa shkoi në tualet në banesën e tij.
Policia tha se burri sapo ishte ulur kur ndjeu një kafshim në organet gjenitale dhe brofi në këmbë. Kur ktheu kokën pa një piton që e vështronte.
Burri thirri policinë, e cila i arriti së bashku me një ekspert lokal të zvarranikëve, që nga ana e tij ndihmoi në largimin e gjarprit nga aty.
Ndërkohë, burri u transferua në spital.
Mjekët thanë që, për fat të mirë, pitonët nuk janë helmues, por ekziston rreziku që vendi i kafshimit të infektohet me baktere nga tualeti.
Eksperti i zvarranikëve Werner Stangl tha se pitoni ishte gjithashtu i padëmtuar, dhe pas pastrimit iu kthye pronarit të tij 24-vjeçar, përndryshe fqinji i viktimës.
Policia tha se ai mbante gjithsej 11 gjarpërinj jo helmues në banesën e tij në kafaze të projektuar posaçërisht.
Pronari i zvarranikëve nuk ishte në dijeni se pitoni ishte arratisur derisa policia e ktheu dhe tha se nuk ishte e qartë për të se si gjarpri arriti të dilte nga habitati i tij.
Rruga e saktë për në banesën e fqinjit është gjithashtu e paqartë. /tesheshi.com/
