Skuadrës së Diego Simeone-s i bëhen dy humbje në La Ligën spanjolle. Dy humbje të pësuara në dy transfertat e fundit.
Atletiko humbiste dy javë më parë me Seviljen 1-0, për të përsëritur të njëjtën gjë sot në “Anoeta”, ku është mposhtur 2-0.
Humbja ka ardhur nga dy 11-metërsha. Carlos Vela në minutën e 54-t dhe Willian Jose në minutën e 75-të qenë shënuesit për Real Sociedadin.
Atletiko nuk arriti as ta ngushtonte rezultatin, edhe pse bëri presion të madh në minutat e fundit.
Në vend të tretë aktualisht, Atletiko mund të zbresë në të pestin, në varësi të rezultateve të kundërshtarëve.
Kur kampionati të rifillojë pas një pauze të shkurtër, Atletiko do të presë Realin më 19 nëntor, në derbin e Madridit. /tesheshi.com/
