Top Channel ka ofruar të dhënën se në automjetin ku iu bë atentat prokurorit Arjan Ndoja dhe shtetasit Landi Muharremi, të njohur si “Rremi” i Sukthit, janë gjetur dokumenta të vjedhura kohë më parë në Prokurorinë e Durrësit, si dhe dosja e ish-gjyqtarit vlonjat Skerdilajt Konomi, ekzekutuar me telekomandë në mes të Vlorës në 2011. Që atëherë u përfol se i ndjeri ishte posedues i pronave të mëdha në Durrës, nga e cila mund t’i kish ardhur vdekja me anë të një atentati mafioz.
“Në maj të vitit 2018 në Prokurorinë e Durrësit ndodhi një grabitje e dokumentave nga persona të paidentifikuar të cilët kishin arritur të dëmtonin edhe serverin. Në atë kohë u dha se asnjë dokument nuk kishte humbur sepse ishte i dubluar. Dokumentat e tjera sipas burimeve lidhen me ish gjyqtarin Skerdilajd Konomi, i cili u ekzekutua me një bombë në vitin 2011. Makina e tij shpërtheu nga një eksploziv i telekomanduar, ndërsa gjyqtari ishte në timon në bulevardin Vlorë-Skelë. Një nga pistat kryesore të vrasjes së Konomit, mbetet çështja e pronave që paraardhësit e 33- vjeçarit zotëronin në Hamallaj të Durrësit”, raportin TCH për rastin në fjalë.
Ndërkohë, aludohet se kreu i Hipotekës në Durrës Lidiron Pula, ndaluar me urdhër të prokurorit Ndoja, ka rënë pikërisht në gjurmët e kësaj afere tokash, gjë e cila ka çuar në krijimin e një rengu për dënimin e tij. Ishte pikërisht kjo arsyeja e irritimit me Ndojën, si të kryeministrit Rama e si të zëvëndësit të tij Braçe. Rama e quajti Ndojën, pa e përmendur me emër, si “prokurorin e bandave”. /tesheshi.com/
