Spitali i Traumës në Tiranë është blinduar nga forca të shumta policie, pasi aty janë shtruar për ndërhyrje intensive tre të plagosurit e atentatit në mbikalimin e Shkozetit, ku në shenjëstër thuhet se ka qenë i ashtuquajturi “prokuror i bandave” Arjan Ndoja. Ky i fundit thuhet se ka marrë një plumb në qafë, porse ndodhet jashtë rrezikut për jetën.
Bashkë me të ka qenë dhe një figurë e njohur e krimit në zonë, Aleksandër Laho, i njohur ndryshe e emrin Pëllumb/Landi Muharremi, person me precedentë penalë, ndër të akuzuarit kryesore për rrahjen barbare të biznesmenit libanez Fadi Mitri, ngjarje e ndodhur në vitin 2016.
I plagosuri i tjetër është shoferi i Ndojës, Andi Maloku, më rëndë se Ndoja dhe Muharremi.
Fakti që ata kanë shpëtuar pa u vrarë, ku thuhet se shënjëster ka qenë pikërisht prokurori Ndoja, ka bërë që policia të blindojë spitalin, me idenë se vrasësit do duan të realizojnë me patjetër elimininin e tyre. Ndërkohë, te Trauma kanë mbërritur krerët e lartë të Policisë së Shtetit dhe Krimeve të Rënda. /tesheshi.com/
