Pas gati një muaji nga ngjarja e rëndë që tronditi Vlorën, ku u ekzekutuan me armë zjarri biznesmeni Enver Hyseni dhe kreu i OSHEE-së Roland Saliu, tjetë vrasje është shënuar në këtë qytet.
Mbrëmjen e djeshme një 40-vjeçar u ekzekutua me armë zjarri rreth orës 22:00 në qytetin bregdetar.
Policia gjeti trupin e pajetë të Fatjon Sinanit në banesën e tij në lagjen “Pavarësia”. Ai është qëlluar disa herë me një pistoletë “Bereta”, që është sekuestruar nga policia, ndërkohë që pak minuta pas ngjarjes është ndaluar edhe një 42-vjeçar, i cili dyshohet se është një prej autorëve të vrasjes.
Autori tjetër ka mundur të largohet me shpejtësi duke përfituar nga errësira, ndërsa policia ka sekuestruar edhe një automjet me targa gjermane, rreth 1 km larg banesës ku ndodhi vrasja.
Sipas burimeve, viktima Fatjon Sinani, me origjinë nga Tropoja, kishte 4 vite i martuar, por pa fëmijë dhe punonte ku të mundte ose në ndërtim.
Ndersa vetëm pak minuta pas ekzekutimit të shtetasit Fation Sinani, në shtëpinë e vet, në lagjen “Partizani”, një tjetër ngjarje është regjistruar.
Një autoveturë, tip Ford, me targë AA 987 KP, ka shpërthyer, pasi i është vendosur lëndë plasëse.
Ngjarja ka ndodhur në lagjen “15 Tetori”, ndërsa nga shpërthimi ka pasur vetëm dëmtime fizike të mjetit.
Policia dhe grupi hetimor kanë mbërritur në vendngjarje dhe po punojnë për zbardhjen e ngjarjes dhe identifikimin e autorit të vendosjes së lëndës plasëse. /tesheshi.com/
