Presidenti amerikan i ka “rrahur shpatullat” në shenjë falenderimi, kryeministrin hungarez Viktor Orban, mbi protagonizmin e tij në frenimin e emigracionit drejt Europës.
Të dy liderët, të cilët i bashkon dhe urrejtja ndaj Sorosit, folën në telefon duke rënë dakord mbi nevojën për kufinj të fortë kombëtarë.
Sipas Shtëpisë së Bardhë, Orban dhe Trump kanë premtuar të mbajnë marrëdhënie të forta mes SHBA dhe Hungarisë. Dhe kjo është komentuar si një tjetër shembull ku Trump përpiqet të mbajë marrëdhënie të ngushta me qeveritë në Evropë që janë të ashpra me emigracionin.
Kohët e fundit, Trump mburret me kryeministrin e ri italian, Giuseppe Conte duke e konsideruar atë si të ashpër në qasjen ndaj emigrantëve. /tesheshi.com/
