Një burrë nga Arizona e Shteteve të Bashkuara, i cili më parë ishte obez, ka arritur të humbasë gati 150 kg të tepërta duke e bërë me këmbë rrugën për në supermarket.
31-vjecarri, Pasqualle Brocco, kishte arritur të peshonte gati 275 kg, dhe mjekët i kishin thënë se rrezikonte jetën për shkak të presionit të lartë dhe kolesterolit. Aq shumë e preku kjo gjë saqë kur u kthye në shtëpi, u pa në pasqyrë, dhe e kuptoi sa e rëndë ishte situata. “Stomaku im varej deri poshtë, kurse gjoksi im tundej. Isha i neveritshëm”, tregon ai.
Ai e dinte se për t’u dobësuar ishte e nevojshme të bënte ushtrime fizike, por palestra ishte jashtë diskutimit në këtë fazë: “Me peshën 275 kg nuk mund të shkoja në palestër. Nuk arrija të futesha në asnjë makinë,” tregon ai. Prandaj, mori një vendim: çdo ditë, kur të ndiente uri, do të shkonte në supermarket me këmbë, një largësi prej 3 km vajtje-ardhje.
Brocco shkonte tre herë në ditë për të bërë pazarin. Kështu ai bënte gati 10 km në ditë.
Filloi të ndryshonte zakonet e tij, duke i kushtuar më shumë kujdes ushqyerjes. Kjo dha rezultate, duke bërë të mundur që të humbiste 90 kile në dy vjet, aq sa iu desh të bënte një ndërhyrje kirurgjikale për të eliminuar lëkurën, tashmë, të tepërt.
Në këtë pikë, çdo gjë ishte më e thjeshtë për të, pasi tani mund të shkonte në palestër. Kjo i dha atij mundësinë të formonte një fizik muskuloz e të thatë, diçka që për të ishte e pa imagjinueshme vetëm pak kohë më parë. /tesheshi.com/
