Një tjetër xhami në Rripin e Gazës u shkatërrua plotësisht nga sulmet ajrore izraelite.
Ministria e Brendshme palestineze deklaroi se xhamia Al-Omari, e cila ishte objektivi i ushtrisë izraelite në rajonin Jibaliye në veri të Rripit të Gazës, është shkatërruar plotësisht.
Selame Maruf, kreu i Zyrës së Marrëdhënieve Publike të qeverisë së lidhur me Hamasin në Rripin e Gazës, tha më 18 tetor:
“Izraeli shkatërroi dhjetë xhami dhe dëmtoi dhjetëra xhami dhe tempuj. Midis tyre janë shtatë xhami dhe kisha historike”.
Gaza po përjeton një krizë të rëndë humanitare pa energji elektrike, ndërsa uji, ushqimi, karburantet dhe furnizimet mjekësore po mbarojnë.
Luftimet filluan kur Hamasi nisi sulme të befasishme ndaj Izraelit më 7 tetor.
Si kundërpërgjigje, ushtria izraelite nisi një operacion kundër objektivave të Hamasit brenda Rripit të Gazës.
Të paktën 3,785 palestinezë janë vrarë në sulmet e deritanishme izraelite në Gaza. /tesheshi.com/
