Pesë ushtarë turq u vranë dhe pesë të tjerë u plagosën nga një sulm me artileri të rëndë të ndërmarrë nga forcat e regjimit të Asadit kundër një pikë vëzhgimi turke në aeroportin lindor të Taftanazit në Idlibit të Sirisë, tha të hënën Ministria Turke e Mbrojtjes.
Sipas deklaratës së ministrisë, forcat turke i janë kundërpërgjigjur sulmit.
Javën e kaluar, një sulm i kryer nga forcat e regjimit të Asadit u mori jetën shtatë ushtarëve turq dhe një kontraktuesi civil, i cili punonte me ushtrinë turke, dhe plagosi dhjetëra të tjerë.
Si kundërpërgjigje, Turqia goditi mbi 50 shënjestra dhe vrau 76 ushtarë të regjimit sirian.
Idlibi ka qenë bastion i opozitës dhe grupeve të armatosura anti-qeveritare që nga shpërthimi i luftës civile siriane në 2011.
Në shtator 2018, Turqia dhe Rusia ranë dakord ta kthejnë Idlibin në një zonë të sigurtë, në të cilën aktet e agresionit janë të ndaluara shprehimisht.
Por që nga ajo kohë, mbi 1,800 civilë janë vrarë në sulme të ndryshme nga regjimi sirian dhe forcat ruse, duke shkelur kështu si armëpushimin e vitit 2018 po ashtu edhe armëpushimin e ri që filloi më 12 janar të këtij viti.
Më shumë se 1.7 milionë sirianë janë zhvendosur afër kufirit turk për shkak të sulmeve të shpeshta gjatë vitit të kaluar.
Turqia mbetet vendi me numrin më të madh të refugjatët në botë, duke pranuar më shumë se 3.7 milion sirianë që nga fillimi i luftës civile siriane. /tesheshi.com/
