Ky artist kinez njihet me emrin e artit Brother Nut dhe është munduar të sensibilizojë njerëzit në lidhje me problemin e ndotjes atmosferike në vendin ku ai jeton, nëpërmjet realizimit të një vepre arti me të vërtetë të veçantë.
Ai ka arritur të krijojë një tullë duke filtruar ajrin e ndotur të Pekinit, pa përdorur mjete shumë teknologjike. I ka mjaftuar një pastrues pluhuri i thjeshtë për të mbledhur nga ari 100 gramë pluhur.
Kjo sasi e pluhurit është e pranishme në ajër dhe thithet nga personat për rreth 8 muaj. Artisti çoi më pas gjithçka në një laborator artizanal, ku pluhurin e përzjeu me argjile për të realizuar copën e tullës.
Ai krijoi një objekt të vërtetë dhe konkret për të parë të gjithë më në fund me sytë e tyre, se sa i madh është problemi i ndotjes në qytet. “Sa më shumë ta shfrytëzojmë natyrën, aq më shumë pluhura prodhojmë. Kur burimet e planetit të mbarojnë edhe ne do të shndërrohemi në pluhur”,- shkruan artisti./tesheshi.com/
