Pas kërkesës drejtuar presidentit Meta për mosdekretim të Ligjit mbi Teatrin, atij pra që i hap rrugës prishjes së godinës ekzistuese për t’u zëvëndësuar nga një e re, vjen kërkesa për të kundërtën.
Tashmë është grupi i atyre artistëve që duan një teatër të ri, kundërshtar qëndrimesh e shijesh me kolëgët e tyre pro të vjetrit, ku bie në sy dhe emri i Robert Ndrenikës, deri dje ithtar i “së vjetrës”
“Ne aktorët, regjisorët dhe përfaqësuesit e artit skenik shqiptar, dëshirojmë t’iu bëjmë me dije dhe të shprehim vullnetin tonë me anë të këtij peticioni të hapur, se jemi për ndërtimin e një Teatri të ri Kombëtar, bashkëkohor dhe modern, ku t’i shërbej të gjithë komunitetit artistik teatror dhe publikut artdashës”.
Ritheksojmë, se jemi për ndërtimin e një Teatri të ri Kombëtar, modern dhe bashkëkohor, në truallin e tij dhe pa cenuar asnjë centimetër të kësaj prone. Le të mos humbasim me kohë, por t’i japim Tiranës dhe Shqipërisë Teatrin Kombëtar të ardhmes”, thuhet në peticionin drejtuar kreut të shtetit. /tesheshi.com/
