Shteti ka humbur tokat në bregdet, kumtoi kreu i ALUZINI-it dhe Kadastës Artan Lame.
“Unë kam qenë pjesë e një vendimi qeverie dikur që më pas u anatemua se do të vidhte tokat në bregdet dhe do ia jepte oligarkëve. Qeveria thoshte se të bllokojmë të gjitha tokat shtetërore në bregdet të mos vazhdojë plaçkitja e tyre përmes gjyqtarëve që i jepnin këto toka në mënyrë abuzive pasi e dinin se do të rrëzoheshin nga vettingu. Ka pasur shumë vendime të tilla të çmenduar.
Megjithatë, Kadastra e trashëguar nuk kishte regjistruar prona në bregdet dhe ajo figuronte shumica si pronë shtetërore në letra, por kur u shkua në terren ajo ishte e tëra e ndarë. Tokë shtetërore në bregdet ka jashtëzakonisht pak afër zeros, pasi janë ndarë me vendim të kthimit të pronave, herë me të drejtë dhe herë abuzive.
Në bregdet ka mbetur vetëm një pjesë e Karavastasë dhe një pjesë e gadishullit të Karaburunit. Nuk ka toke shtetërore në bregdet, nuk ka mbetur më, nuk ka lënë Laro të hajë Balo, është ndarë e gjitha”, tha Lame.
Sipas tij, abuzimi ka nisur nga diçka që e konsideron turp.
“Eshtë turp të themi se në Kadastër janë të regjistrua vetëm 4 % prona shtetërore. Pikërisht mos regjistrimi pronë shtetërore si shkolla, çerdhe, parqe dhe kjo ka lejuar abuzimin dhe kafshimin nga çdo lloj dragonjsh e kuçedrash që e kanë kafshuar në këto 20 e ca vjet. Kjo është lënë qëllimisht që të vidhe dhe kafshoje pa rënë në sy”, tha Lame. /tesheshi.com/
