Artan Lame, kreu i legalizimeve, zbërtheu gjithë konfliktin italo – grek të ’40-ës në tokën shqiptare, duke paraqitur për herë të parë dokumenta e të burojnë dhe varrezat e famshme greke, një çështje e ditës në Shqipëri, në raportet me Greqinë.
Në rolin e studiuesit e jo të drejtorit të ALUIZN-it, Lame duke folur në Opinion-in e Fevziut jo vetëm mbrojti të drejtën humane të Athinës për t’iu bërë një varr viktimave greke të asaj lufte, por dhe tha se dhe Tirana duhet të kërkonte të njëjtën gjë për ata mbi dhjetra ushtarë shqiptarë që vdiqën në tokën greke, rreshtuar krah atyre italianë.
Sa për medaljonin e gjetur ditë më parë gjatë zhvarrimeve në fushën e Dragotit në Tepelenë, Lame bëri një sqarim kompetent duke e nxjerrë atë si të një ushtari grek, por të sajuar nga italianët me anë të një cope metali.
Nga ana tjetër, Lame vlerësoi faktin që këto zhvarrime po kryheshin nga një komision kompetent e jo si ato të Kosinës në Përmet, ku siç tha, tek eshtrat gjetura ka patur dhe kopsa të veshjeve ushtarake osmane. Si, kanë qenë ushtarë osmanë të konvertuar në grekë përsëvdekuri? Jo! Lame sqaroi se kopsat janë trashëguar prej veshjeve të dikurshme osmane nga popullata, e cila më pas i përdorte ato në veshje të zakonshme. Por kjo e dhënë sipas tij e kompromenton atë proces zhvarrimi, ku që në fillim u përfol se eshtrat ishin të fshatarëve të zonës.
E, duke iu kthyer në një moment dhe të qënit kryezyrtar i Legalizimeve, Lame tha se dhe ato varreza – pra Kosinës – ishin pa leje dhe duheshin legalizuar. /tesheshi.com/
