Menjëherë pas qëndrimit të partisë maqedonase në pushtet, asaj të VMRO DPMNE-së se në asnjë mënyrë nuk do të lejojnë kryeministër shqiptar, kësaj i është përgjigjur partneri shqiptar në koalicion BDI.
Deputeti i BDI-së, Artan Grubi, deklaroi se është gjë e pashmangshme që kryetari i Republikës së Maqedonisë, kryeministri dhe kryetari i Kuvendit të mos jetë shqiptar.
Sipas tij kjo gjë është e arritshme ashtu siç u bë e arritshme që Badinteri të vendoset në Ligjin për Prokurorin Special, avokati i shtetit të jetë shqiptar, ministri i mbrojtjes, etj.
“Thoshin që nuk bëhet as Badinteri për Ligjin për Prokuror Special, ashtu siç u zotuan që nuk do të bëhet as Badinteri për zgjedhjen e Prokurores Speciale dhe as Badinteri për zgjedhjen e prokurorëve tjerë.
Thoshin që nuk bëhet as edhe Konsensusi dhe e drejta ekskluzive për të kontestuar vendimet joligjore me motivacione etnike në KSHZ.
Thoshin shqiptari nuk mund të bëhet Ministër i Mbrojtjes, Avokat i Shtetit, etj etj.
Ja që të gjitha këto u bënë bashkë me shumë të tjera, ndërsa edhe ato që kanë mbetur, si Kryetari i shtetit, Kryeministri dhe Kryetari i Kuvendit, do të bëhen sepse është thjesht e pashmangshme.”, shkroi Grubi në profilin e tij në Facebook.
Kujtojmë se dje VMRO-ja doli me qëndrim duke akuzuar LSDM-në opozitare që mos të plasojnë ide për kryeministër shqiptar ose për gjuhë shqipe për të gjithë fëmijët qysh në kopsht, pasi kjo gjë nuk do ndodhte kurrë. /tesheshi.com/
