Tek disa njerëz receptorët e shijes në gjuhën e tyre janë shumë herë më të ndjeshëm ndaj shijeve të forta, prandaj ata nuk arrijnë të konsumojnë disa lloj perimesh. Mirëpo edhe ndaj këtij shqetësimi ka një zgjidhje.
Edhe pse tingëllon e çuditshme fëmijët tuaj mund të arrijnë të shijojnë deri edhe lakrën dhe lulelakrën nëse ata stërviten me shijen.
Përse fëmijët i urrejnë perimet
Tashmë një studim i Universitetit anglez “Converty” ka mundur të shpjegojë arsyet se përse disa fëmijë dhe adoleshentë i urrejnë kaq shumë perimet, aleatë të çmueshme të mirëqenies fizike dhe jo vetëm.
Studimi është pjesë e projektit të BBC “Learning is Terrific Scientific campaign”, një projekt që e çon shkencën në klasat fillore, ku përfshihen fëmijë të moshës 9 deri në 11 vjeç.
Të stërvitesh për t’u mësuar me një shije që nuk na pëlqen mund të jetë shumë e dobishme
Në këtë eksperiment adoleshentët e përfshirë janë ndarë në dy grupe: i pari duhet të konsumonte për dy javë rresht një pjatë të dytë me lulelakër, ndërsa grupi i dytë konsumonte gjatë të njëjtës periudhë rrush të thatë.
Pjesa më e madhe kishte ndryshuar mendim
Përpara se t’i nënshtroheshin këtij eksperimenti fëmijët plotësuan një test ku iu përgjigjën pyetjeve për të kuptuar se çfarë mendonin ata për lulelakrën. Kur pas dy javësh ata e plotësuan pyetësorin përsëri u zbulua se ata shprehën një lloj qasjeje apo pëlqimi krahasuar me fillimin, ndërsa për fëmijët që kishin konsumuar rrush të thatë lulelakra kishte mbetur po aq e papëlqyeshme.
I gjithë problemi qëndron tek gjuha
Midis atyre që kishin konsumuar lulelakër kishte edhe nga ata që vazhdonin ta urrenin pavarësisht “stërvitjes së shijes”. Studiuesit shpjeguan se kjo varet edhe nga fakti se disa kanë ndjeshmëri më të madhe tek receptorët e gjuhës në krahasim me të tjerët./tesheshi.com/
