Shpesh herë mëngjesi shoqërohet nga një kafe e shpejtë dhe një biskotë, por në vend që të shmangni vaktin e parë të ditës, kushtojini më tepër rëndësi dhe bëjeni atë sa më të shëndetshëm pasi rezultatet pozitive do të shihet menjëherë.
Kjo sepse mëngjesi është një ndër vaktet më kryesore të ditës, thelbësor për të marrë energjitë e duhura për të përballuar aktivitetet e ndryshme.
Edhe nëse nuk keni kohë të mjaftueshme për përgatitjen e ushqimit në orët e para, mjafton një ëmbëlsirë ose vezë, ndërkohë që dreka dhe darka duhet të jenë të lehta për të gjithë ata persona që dëshirojnë të dobësohen.
Darka këshillohet të jetë e lehtë pasi gjatë orëve të gjumit nuk digjen aq shumë kalori sikurse në momentet e ditës që jemi aktiv.
Mëngjesi duhet të përfshijë 20% të ushqimit të ditës ndaj dhe në meny duhet të jenë të pranishme, vezët, qumështi, kosi, drithërat, etj.
Gjithashtu përpara se të pini kafenë është e këshillueshme konsumimi i një fruti të sezonit, ose lëng portokalli i shtrydhur.
Në fund 3- 4 biskota të thjeshta ose me reçel, ose ëmbëlsira të vogla të cilat mund t’i konsumoni “pa u ndjerë në faj”. /tesheshi.com/
