Skuadra londineze do të arrijë më në fund të bëjë dy blerje cilësore pas një sërë dështimesh gjatë kësaj vere në fushën e transferimeve.
Faqja elektronike sportive goal.com njofton se Arsenali ka arritur marrëveshjen për të blerë mbrojtësin e Valencias, Shkodran Mustafi, dhe sulmuesin e Deportivos, Lucas Perez.
Të dy lojtarët pritet që ditën e sotme të kryejnë vizitat mjekësore.
Bisedimet për transferimin e Mustafi-t kanë vijuar prej tre javësh, ndërsa Valencia ka pranuar ofertën prej 35 milionë paundësh. Qendërmbrojtësi i përfaqësuese gjermane, por me origjinë shqiptare, do të lërë kështu kampionatin spanjoll, ku ka spikatur gjatë qëndrimit të tij, për të kaluar në atë anglez.
Lucas Perez shënoi 17 gola sezonin e shkuar për Deportivon në La Liga, me vëmendjen e Arsenalit të kthyer nga ai pas refuzimit të Jamie Vardy-t.
17 milionë paundë do t’i kushtojë sulmuesi ekipit të Arsenalit, që do të bëjë kështu dy përforcime të rëndësishme. /tesheshi.com/
