Bilanci i tërmetit të një dite më parë në Itali vijon të bëhet akoma më tragjik. Viktimat nga lëkundjet e forta të tokës kanë arritur në 247 sipas raportimeve më të fundit.
Shumë prej tyre janë fëmijë, ka deklaruar ministri italian i Shëndetësitë. Ndërsa 368 persona janë të lënduar, me disa prej tyre në gjendje kritike, e shumë të tjerë gjenden ende nën rrënoja, numri i jetëve të marra nga ky tërmet mund të rritet në orët në vazhdim.
Ekipet e shpëtimit kanë punuar gjatë gjithë natës, pasi dhjetëra njerëz mendohet të jenë ende nën rrënoja në Amatrice, Accumoli dhe në Pescara del Tronto. Në orët e natës ka patur një tjetër tundje të fuqishme të tokës.
Tërmeti e goditi pjesën qendrore të Italisë në mesnatën e së mërkurës, me magnitudë 6.2 ballë.
Qindra njerëz e kanë kaluar jashtë apo në çadra natën e shkuar, pasi lëkundjet e njëpasnjëshme të tokës e bëjnë të pamundur kthimin në ato godina që i kanë rezistuar shembjes. /tesheshi.com/
