Policia e Kosovës ka arrestuar sot drejtorin e Inspeksionit të Komunës së Prishtinës, Xhelal Sveçla.
Njoftimi është dhënë nga Lëvizja Vetëvendosje, e cila konsideron se arrestimi i Sveçlës është tentim për ta penguar punën e tij si në nivel lokal ashtu edhe në atë qëndror, në mënyrë që sipas saj, t’i hapet rrugë krimit të organizuar e korrupsionit që udhëheqet nga eksponentë të LDK-së dhe PDK-së.
“Isa Mustafa është përgjegjësi kryesor për rreziqet me të cilat po kanoset shteti i Kosovës. Po ashtu, Isa Mustafa është përgjegjësi kryesor për krimin urbanistik në Prishtinë, krim ky i denoncuar e i ndalur nga Xhelal Sveçla dhe Lëvizja VETËVENDOSJE!. Tashmë mbi 80 dosje për këto çështje, janë deponuar nëpër sirtaret e prokurorisë, me të cilat nuk po merren gjykatat, pasi që janë të kapura nga ky pushtet”, thuhet në komunikatën e VV-së./tesheshi.om/
