Policia shqiptare njofton se ka arrestuar në Vlorë një 29-vjeçar kosovar nga Mitrovica, i cili, siç thuhet tekstualisht në njoftim, “ka dhunuar fizikisht, psikologjikisht dhe ka tentuar të rrëmbejë me mjetin e tij ‘Audi’ me targa KS02300CO, tre shtetas me inicialet: B.N, N.I, dhe F. D. në vende të ndryshme të qytetit të Vlorës brenda një harku kohor prej 2 orësh”.
Por ajo që theksohet në njoftimin e policisë, është se ky shtetas ky shtetas, veprimet e tij kriminale i ka shoqëruar me thirrjet në vende dhe ambiente publike si“Allahu Akbar”, “Jam i dërguari i Allahut” dhe “Do ju vras të gjithëve”.
Policia më thej thekson në njoftimin e saj se Dijar Xhema ëshët një “person që paraqet rrezikshmeri të theksuar shoqërore pasi në Kosovë është i evidentuar si person me precedent kriminal për tendencën e vrasjes, rrëmbim, dhunim personi, dhunim i punonjësve të organeve ligjzbatuese, mbajtje dhe përdorim pa leje të armëve të zjarrit”.
Por në njoftimin policor, mungojnë të dhëna edhe mbi gjendjen psiqike të personit të arrestuar. Nëse është ashtu siç paraqitet në raportin e organeve të rendit, nuk është e vështirë të kuptohet se më shumë se kriminel, kosovari i arrestuar është me probleme mendore. /tesheshi.com/
