Policia federale e Argjentinës ka arrestuar një anëtar të një organizate mafioze italiane në një komunitet në provincën e Buenos Aires, njoftoi të hënën, pas një gjuetie që zgjati disa vite.
68-vjeçari Carmine Alfonso Mayorano, një udhëheqës i Drangheta-s, u arrestua të mërkurën e kaluar në komunitetin e Guernica, në provincën e Buenos Aires.
Ai akuzohet se ka udhëhequr prej vitesh trafikun e drogës dhe armëve mes Amerikës Latine dhe Evropës.
Sipas Interpolit, Drangheta është ndër “organizatat kriminale më të fuqishme në botë”.
Ndaj Mayorano-s është lëshuar një urdhër-arresti ndërkombëtar në vitin 2015.
Interpoli filloi në vitin 2020 për të koordinuar përpjekjet ndërkombëtare për të çmontuar organizatën kriminale.
Drangheta filloi të vendoste një terren në Argjentinë vite më parë, duke punuar me bandat shqiptare në Evropë, thuhet në deklaratën e policisë. /tesheshi.com/
