Ministri i Rendit Fatmir Xhafaj ka ofruar një sërë të dhënash mbi operacionet e fundit policore, ku nuk e fsheh entuziazmin e tij, edhe pse në pranga kanë rënë dy ish-kolegë deputetë deri para pak kohësh. Ajo që vlerëson Xhafaj, është mosrrjedhja e informacionit.
“Forca e Ligjit në një tjetër SUPER OPERACION policor në goditjen me ashpërsi ndaj grupeve kriminale të skeduara nga Task Forca Speciale. Goditje ndëshkuese ndaj grupeve në fushën e prodhimit dhe trafikimit të drogës. Forca e Ligjit mbi gjithçka e mbi cilindo. Në 3 ditë, një operacion i shtrirë në 12 qytete, me 100 objekte të kontrolluara në territor, me 27 të arrestuar e 6 në kërkim, drejtues dhe anëtarë të 4 grupeve kriminale, të skeduara nga TFS, përfshirë në prodhimin e trafikun e drogës. Fryt i hetimit, vëzhgimeve e gjurmimeve disa mujore në territor. Aksion shembullor i forcave policore në operacion e veçanërisht Njësisë Operacionale, FNSH Shkodër e Fier&RENEA e DVP. Disiplinë e profesionalizëm i lartë & mbi të gjitha konfidencialitet total! Disa ditë aksion&ASNJË rrjedhje informacioni për rreth 100 urdhëra kontrolli të ekzekutuar! FALEMINDERIT”, shkruan ministri.
Ndërkohë, rezultateve të Xhafajt i mungon ende një emër: Klemend Balili. /tesheshi.com/
