Arrestim i bujshëm në Kosovë: në pranga, fushëkuqazi i famëkeq i drogës

Është arrestuar më në fund famëkeqi Gëzim Çela, njeriu që konsiderohet koka e drogës në Shqipëri, prej vitesh në kërkim, të cilit i atribuohen dhe shumë krime.

Nga Fushë Kuqa e Fushë Krujës, Gëzim Çela thuhet se është një baron i vërtetë droge, duke drejtuar dhe kontrolluar rrjetin e trafikut në disa shtete. Vilën në fshatin e tij e kishte shndërruar pikërisht në laborator droge.

Nga drejtësia italiane ai ka një dënim në mungesë me 11 vite burg.

Arrestimi i tij është bërë në Kosovë, siç ka bërë me dijë në  një status dhe vetë ministri Balla.

“Forca e ligjit do të godasë mbi këdo dhe pandërshkueshmëria do të marrë fund ndaj kujtdo që kujton se do të vazhdojë t’i fshihet drejtësisë. Përgëzoj Policinë e Shtetit, e cila në bashkëpunim me një agjenci të rëndësishme partnere dhe me strukturat ligjzbatuese të Republikës së Kosovës kanë bërë të mundur arrestimin e shtetasit Gëzim Çela, një person i dënuar dhe i kërkuar prej shumë kohësh nga drejtësia në Shqipëri”.

Më herët, para se të implikohej në trafik droge dhe botën e krimit, Gëzim Çela ka qenë oficer i Forcave Speciale të Policisë, detyrë që e ka mbajtur deri para vitit 1997. /tesheshi.com/