Policia ruse arrestoi liderin e opozitës, Aleksej Navallni në qendër të Moskës ku po mbahej një protestë kundër korrupsionit. Pamjet të kujtojnë mënyrën se si është arrestuar Albin Kurti në vite, në protesta të ngjashme në Prishtinë.
Turma protestuesish u mbledhur rreth makinës policore me qëllim pengimin e marrjes se Navallnit, por pa mundur të bëjnë dot asgjë.
Ai është i njohur për një fushatë antikorrupsiom ku në qendër të denoncimeve dhe akuzave janë funksionarë të lartë të Kremlinit.
Protesta në Moskë u pasua dhe nga të ngjashme në qytete të tjera të Rusisë.
Por duket se këto këto aksione opozitare vështirë ta trondisin pushtetin e fortë të Putinit, i cili pothuajse e ka atrofozuar fuqinë opozitare në vite, me arrestime të shumta, por dhe vrasje politike.
Termi “Putinizëm” në politikë lindi pikërisht nga kjo: eliminimi i opozitës dhe krijimi i një pushteti mono, si dikur nën komunizëm, por më ndryshimin se aplikohet në kushte demokracie e tregu të lirë. /tesheshi.com/
