Presidenti ukrainas Volodymyr Zelensky komentoi mbrëmë vonë urdhrin e njeriut të parë të Rusisë, Vladimir Putin, për të pushuar zjarrin gjatë Krishtlindjeve Ortodokse.
Kujtojmë se Putin urdhëroi dje armëpushim në Ukrainë, i cili do të zgjasë një ditë e gjysmë. Armëpushimi, njoftoi Kremlini, u urdhërua nga Putin për të shënuar Krishtlindjet, të cilat të krishterët ortodoksë e festojnë të shtunën.
“Tani ata duan të përdorin Krishtlindjet si një mbulesë për të ndaluar përparimin e djemve tanë në Donbas për të paktën për një kohë dhe për të sjellë pajisje, municione dhe trupa më afër pozicioneve tona. Çfarë do të arrijnë ata? Vetëm më shumë viktima. Të gjithë në botë e dinë se Kremlini përdor një armëpushim ose qetësi në mënyrë që lufta të nxehet më shumë”, tha Zelensky dhe shtoi:
“Që konflikti të përfundojë sa më shpejt të jetë e mundur, nevojitet diçka krejtësisht ndryshe. Qytetarët e Rusisë duhet të gjejnë guxim dhe të heqin dorë nga frika e tyre e turpshme ndaj një njeriu në Kremlin, të paktën për 36 orë gjatë Krishtlindjeve. Frika juaj nga ai po shkatërron vendin tuaj. Lufta në Ukrainë do të përfundojë kur ushtarët rusë të largohen ose ne t’i dëbojmë ata”.
Ndër reagimet e para nga Ukraina ishte sekretari i Këshillit për Siguri Kombëtare dhe Mbrojtje të Ukrainës, Aleksi Danilov, i cili deklaroi se vendi nuk do të negociojë me Rusinë për armëpushimin e Krishtlindjeve.
Ai e quajti propozimin e armëpushimit “gënjeshtra dhe hipokrizi” në Twitter. /tesheshi.com/
