Nicole Pashinyan, kryeministri aktual i Armenisë, deklaroi fitoren në zgjedhjet e parakohshme parlamentare që ai thirri në një përpjekje për të lehtësuar krizën politike pas luftës katastrofike me Azerbajxhanin dhe nw fund humbjes sw saj.
Pasi u përpunuan 75 përqind të votave, partia e “Kontratës Civile” të Pashinyan-it kishte 55.61 përqind të votave të hënën. Blloku Armen i rivalit të tij më të madh, Robert Kocharyan, ka 22 përqind të votave, ka njoftuar Komisioni Qendror i Zgjedhjeve të vendit.
Pjesëmarrja në nivelin kombëtar ishte 49.4 përqind.
“Populli i Armenisë i dha një mandat partisë sonë për të drejtuar vendin dhe mua personalisht për të udhëhequr vendin si kryeministër,” tha Pashinyan.
“Ne tashmë e dimë që kemi fituar një fitore bindëse në zgjedhje dhe do të kemi një shumicë bindëse në parlament,” shtoi ai.
Nga ana tjetër, Blloku i Kocharyan vuri në dyshim besueshmërinë e rezultateve paraprake dhe tha se nuk do ta njihte deklaratën e hershme të fitores së Pashinyan, e cila ndoqi vetëm 30 përqind të vendvotimeve të përpunuara.
Zgjedhjet, si një rrugëdalje nga kriza politike
Siç ishte raportuar më parë nga agjencia franceze e lajmeve AFP, Pashinyan, një ish-gazetar, erdhi në krye të qeverisë në 2018 në krahët e protestave paqësore me premtimin për të përmbysur elitën e korruptuar që sundoi atë vend të vogël në Kaukaz pas rënies së ish-Bashkimi Sovjetik.
Ai thirri zgjedhje të parakohshme me shpresën për të sjellë një rrugëdalje nga kriza politike e shkaktuar nga disfata e vitit të kaluar e vendit në konfliktin e armatosur me Azerbajxhanin mbi Nago-Karabakun. Pashinyan ka qenë nën presion nga opozita dhe protesta masive duke kërkuar dorëheqjen e tij që nga nëntori i vitit të kaluar, kur ai arriti një marrëveshje paqeje me Azerbajxhanin.
Sondazhet parashikuan një garë të ngushtë midis tij dhe partisë së Kocharyan, dhe sipas sondazhit të fundit nga agjencia MPG, Blloku Armen do fitonte 28.7 përqind të votave, Kontrata Civile 25.2 përqind dhe e treta, me 10.8 përqind, një aleancë e lidhur me armikun dhe paraardhësin e Pashinyan-it, Serge Sarkisian. /tesheshi.com/
