Armëmbajtja në botë, Ballkani në krye

Sipas hulumtimit të agjencisë ndërkombëtare “Small Arms Survey” me seli në Gjenevë, ka më shumë se një miliard armë zjarri në botë, shumica e të cilave janë në duart e civilëve dhe shumë nga vendet e Ballkanit Perëndimor janë në krye të listës së vendeve me numrin më të madh të armëve të zjarrit në botë për 100 banorë, raporton Anatolia.

Sipas sondazhit të fundit, nga viti 2018, vlerësohet se rreth 85 për qind e armëve janë në duart e civilëve, 13 për qind në arsenale ushtarake dhe dy për qind në posedim të agjencive të zbatimit të ligjit.

Rreth katër nga dhjetë armë zjarri janë në pronësi të civilëve amerikanë, sepse Shtetet e Bashkuara të Amerikës (SHBA) kanë katër përqind të popullsisë së botës, por civilët e tyre zotërojnë rreth 40 përqind të armëve të zjarrit në botë.

SHBA ka rreth 121 armë zjarri për çdo 100 banorë dhe vendi i dytë në listë është Jemeni me rreth 53.

 Serbia dhe Mali i Zi, menjëherë pas SHBA-së dhe Jemenit

Sipas këtij hulumtimi, Mali i Zi dhe Serbia janë në vendin e tretë dhe të katërt, me numër të njëjtë të armëve për njëqind banorë, pra 39.1.

Thuhet se civilët në Serbi kanë 2.719.000 armë, nga të cilat 1.186.086 janë të regjistruara dhe 1.532.914 janë të paregjistruara. Në Mal të Zi ka 245,000 armë, 103,536 të regjistruara dhe 141,464 të paregjistruara.

Bosnja është në vendin e 11-të dhe sipas të dhënave të “Small Arms Survey” janë regjistruar 31.2 armë për njëqind banorë. Thuhet se në Bosnje ka gjithsej 1.185.000 armë, nga të cilat 353.000 janë të regjistruara dhe 832.000 janë të paregjistruara.

Statistikat e Maqedonisë së Veriut janë pak më të mira, e cila është në vendin e 13-të me 29.8 armë, me një numër të përgjithshëm prej 621.000, ndërsa Kosova është në vendin e 17-të me 26.3 armë për 100 banorë, pra gjithsej 436.000 armë.

Në fund të listës janë vende si Indonezia dhe Japonia që nuk kanë më shumë se një armë zjarri për 100 banorë. /tesheshi.com/