Auto Dak
Auto Dak
Auto Dak

ARKIVA/ besëthyerrja greke që pasoi masakrën ndaj çamëve 77 vjet më parë

Si sot 77 vite më parë, më 27 qershor 1944 nisi akti i fundit i tragjedisë së shqiptarëve të Çamërisë.

Në kuadër të këtij përvjetori të radhës, Arkivat Shqiptare ofrojnë dokumenta mbi një zhvillim gati të panjohur në sferën ndërkombëtare mbi atë tragjedi të një pjese të popullit shqiptar me banim në trojet e tyre në Greqi.

“Forcat greke garantuan se në rast të dorëzimit të armëve asgjë e keqe nuk do t’u ndodhte shqiptarëve të Çamërisë, gjatë takimit që patën me myftiun, kryetarin e këshillit të bashkisë dhe drejtorin e arsimit të Paramithisë.

Me arritjen e këtij pakti verbal, premtimi jo vetëm që nuk u mbajt nga forcat zerviste, por menjëherë pas mbërritjes në qytet, ata masakruan mbi 200 shqiptarë të Çamërisë.

Kështu masakra mbi popullsinë e pambrojtur vazhdoi për ditë me radhë. Gjatë sulmit mbi popullsinë civile, u dëbuan mbi 30 mijë shqiptarë myslimanë dhe u vranë mbi 3 mijë të tjerë. Ndërkaq, popullsia shqiptare ortodokse e Çamërisë u vendos nën terror për të mohuar identitetin duke vrarë parinë e saj e duke i lënë të varur në mes të qytetit për më shumë se tre ditë. Prej vitit 1994, shteti shqiptar e njeh këtë datë si “dita e genocidit ndaj shqiptarëve të Çamërisë nga forcat shoviniste greke”.

Për ironi të fatit, 421 vite më herët nga kjo ngjarje, një shqiptar i Çamërisë merrte drejtimin e shumicës së Botës së njohur deri asokohe. Ai ishte Ibrahim Pashë Pargaliu, i lindur në një famlije të krishterë shqiptare të Pargës, i cili që i vogël u mor si skllav nga ekspeditat ushtarake osmane dhe në një ditë si sot, më 27 qershor 1523, u bë Veziri i Madh i Perandorisë Osmane.”, janë këto informacionet që vijnë dokumentet e arkivës.

Dokumenti është i fondit të Këshillit të Ministrave: Memorandumi i Komitetit Antifashist të Emigrantëve Çamë drejtuar Asamblesë së Përgjithshme të OKB-së më 25 shtator 1946.

Imazhi tjetër shoqërues është pjesë e eksodit të popullsisë çame pas vitit 1944”. /tesheshi.com/

auto pjese dak

Related posts