Një arkitekt i njohur serb, Nebojsa Glisiç, ka komentuar pasojat e tërmetit në Shqipëri, duke hedhur kritika për zgjidhjet inxhinerike të ndërtesave të shembura.
Ai ka postuar në faqen e tij të FB si foto të disa prej tyre, ashtu dhe foton prekëse të nënë e bijë, të cilat humbën jetën nën gërmadha në një pallat të shembur në Durrës.
Glisiç postoi foto të rrënojave, duke thënë:
“Në tre fotografitë e para, janë mbuluar të gjitha dekadat e mia të luftës me amatorë në biznes…. Me miliona herë jam ballafaquar me pyetjen: pse kaq shumë përforcim dhe beton? Kjo nuk ndodh çdo ditë, por kur ndodh, bëjnë dëm të jashtëzakonshëm”.
Siç shkroi ai, sikur të ishte ndërtuar sipas rregullave, nuk do kishte kaq pasoja, aq më pak ne njerëz. Ai thotë se është i bindur që veç çarjeve të vogla dhe gjërave të rrëzuara përreth, asgjë tjetër nuk do të ndodhte.
“Sot do të kishim një shtëpi dhe një jetë”, shkruan Glisiç.
Pastaj komenton përsëri objektet e përzgjedhura.
“Fotografia e parë tregon se si një ndërtesë krejt e re u rrëzua nën peshën e dyshemesë, dukshëm pa material sizmik adekuatë, pllaka betoni të përforcuar horizontale dhe vertikale që do të përballonin forca të fuqishme tërmeti … thjesht u shemb”, ka shkruar ai.
Ai vazhdoi të komentojë duke thënë se “imazhet e dyta dhe të treta tregojnë qoshet e ndërtesave që janë shembur për shkak të mungesës së dukshme të pllakave të betonit të armuar. Eshtë plotësisht e pakuptueshme të jepni të gjithë kursimet e jetës, si dhe jetën e familjes, te ndonjë person i paaftë.
Siç theksoi ai, për vlerën e një telefoni mesatar që blihet çdo vit, ju do të blini paqen për veten dhe gjeneratat e ardhshme, duke punësuar një inxhinier për të bërë punën tuaj. /tesheshi.com/
